الجزء الثالت : تطبيق موفق لاحد الاخوان لما جاء بالمنشورات

رسالة كانت كافية لتغيير مزاجي اليوم ..

شعور زوين أنك تكون جزء من نجاح شخص آخر ..

آه لي مافاهمش آش واقع فالصورة ..

كاينة واحد المنصة سميتها Shopify .. كاتشتارك فيها ابتداء من 300 درهم فالشهر .. (كاينين منصات مجانية بديلة .. ولكن هادي كاتبقا بروفيسيونيل أكثر)

هاد المنصة كاتمنحك إمكانية تقاد "سطور-موقع" خاص بيك شبيه في الشكل بموقع أمازون ..

كاتحط فيه منتجات ماشي ديالك .. ديال ناس خرين من مواقع أخرى وغاليا هاد المنتجات كايكون من المواقع الكورية أو الصينية ..

الفكرة أنك كاتختار من تلك المواقع منتجات في دومين معين .. تكون مثيرة من حيثُ الشكل ..

تقدر تكون "براسلي" .. "ساعة" .. "عقد" .. أو أي شيء قابل للبيع .. هير المهم تتأكد انه كاين الجمهور ديالو .. يعني عندو مهتمين كايشريوه ..

كاتاخد داك المنتج لي وقع عليه الإختيار .. لنفترض أنها ساعة .. معروضة للبيع فالموقع الأصلي بـ 10$ .. نتا كاتاخد الصورة ديالها وكاتحطها فالموقع ديالك لي هو أصلا مصاوب بمنصة Shopify .. ولكن كاتغير الثمن .. كادير مثلا 29$ .. مع مصاريق الشحن لي تقدر دير فيها 2.99$ .. ومن الأفضل دير الشحن مجاني .. لأنه غالبا كاتلقاه مجاني باش تزيد من عدد المبيعات ..

الفكرة هنا .. كادير لصفحة المنتج لي حطيتي فالموقع ديالك .. إعلان ممول فالفايسبوك .. كاتستهدف بيه الناس لي مهتمة بالموضة .. لي كاتلقاهوم غالبا دايرين Like لصفحات الموضة وصفحات الشركات المعروفة لي كاتنتج الساعات ..

الإعلان . ممكن تخسر فيه 50 درهم كتجربة بشكل يومي حتا تلقا الناس لي غادي تستهدف بالإعلان .. فاش كاتلقاهوم .. كاتحاول ترفع من البيدجي لي غادي تستثمر بشكل يومي ..

فاش كايبداو إيجوك مبيعات فالموقع .. المنصة ديال الموقع ديالك .. كاتحتافظ ليك بالمعلومات ديالهوم .. الإسم .. والعنوان ..

نتا كاتمشي تشري الساعة من الموقع الأصلي .. بـ 10$ .. وفي معلومات الشحن كادير إسم الشخص لي شرا من الموقع ديالك .. والعنوان ديالو .. 

يعني هنا نتا كاتربح الفرق .. بين الثمن فالموقع الأصلي .. والثمن فالموقع ديالك مع داكشي لي خسرتي فالحملة الإعلانية .. émoticône grin

هنا هاد الصديق .. خسر 1600 درهم .. بين شراء 26 منتج ومستحقات الحملات الإعلانية لي دار فالفايسوك .. أو دخّل 5000 درهم .. بربح صافي ديال 3600 درهم فنهار واحد .. émoticône wink

المهم هادشي لي بغا يتعلمو يقلب في Google و Youtube راه موجود ..

هادشي راه ماكايتعلّمش فالمدرسة أو الجامعة ..